かさ、あります か。 Каса аримасү ка? Шүхэр байна уу? |
かさkasa шүхэр 英語の 新聞eigo no shimbun англи сонин 国際 電話 の カード kokusai-denwa no kādo олон улсын ярианы карт 地 図 chizu газрын зураг （お）水 (o) mizu ус （尾）酒 (o) sake саке 電池 denchi зай たばこ tabako тамхи 頭痛 薬 zutsū-yaku толгойны эм |
· Япон бол голдуу бэлэн мөнгөөр наймаа худалдаа хийдэг орон. · Хаа ч явсан бэлэн мөнгөтэй явах хэрэгтэй. Ялангуяа томоохон хот, жижиг сууринд мөнгө авах төвөгтэй. Учир нь тэр болгон банк гадаадын картуудыг хүлээн зөвшөөрдөггүй, зөвшөөрлөө өндөр татвар авдаг учир хангалттай бэлэн мөнгөтэй явах нь хамгийн зөв арга. · Банкууд өглөөний 9-өөс үдээс хойш 15 цаг хүртэл ажилладаг. Хагас бүтэн сайнд ажилладаггүй. Банк бүрийн амралт янз бүр. · Гадаадын валютыг зөвхөн банкинд солино. Citibank нэлээд нөлөөтэй. Сүүлийн үед Английн HSBC банкны салбарууд энд тэнд нэлээд байгуулагдаж эхлээд байна. · Кредит картаар голдуу үнэтэй дэлгүүр, ресторан, зочид буудлуудад л үйлчилнэ. · АТМ -д гадаадын картуудыг хэрэглэж болохгүй. Үйлчилгээ нь голдуу банкны ажиллах цагаар байдаг. Банк хаасны дараа болон амралтын өдрүүдэд илүү мөнгө төлж үйлчилгээ хийлгэнэ. · АТМ машинууд голдуу 24 цагийн үйлчилгээтэй дэлгүүрүүдийн дотор бий. · НӨАТатвар Японд 5 % -тай байдаг. Та 100 йэний бараа авлаа гэж бодоход 105 йэн төлнө. Харин Duty Free Shop-уудад таны паспортыг үзээд энэ татварыг хөнгөлөж өгдөг. · Гурван сараас дээш хугацаагаар оршин суугч банкны данс нээлгэхэд ямар ч асуудалгүй амархан. |
· Хүн хоорондын зай гэж нэг юм японд маш чухал юм. Хүнд хэтэрхий ойртож болохгүй, биед нь хүрч болохгүй, ойр зогсох суух хэрэг гарвал уучлал хүсэх байдлыг толгойгоо дохих ч юм уу, ямар нэг байдлаар ойлгуулах хэрэгтэй. Ярихдаа ч гэсэн үүнийг анхаарах учиртай. Хэт ойроос ярих юм уу, манайхан хоорондоо харицдаг шиг цохиж авах, мөрөөр нь тэврэх, татах, чангаах, гарыг удаан барих гэх мэт хориотой. · Япончууд барагтай бол гар баридаггүй, толгой бөхийн мэндчилдэг. Манайхан сүүлийн үед гарах барих их дуртай болоод байгааг анхаараарай. · Зөөлөн аядуу ярих хэрэгтэй. Хашгирч орилж, чанга чанга ярихгүй. · Олон нийтийн газар найтаах болбол нийтийн дунд аль болох цаас алчуур хэрэглэж, зөөлөн бүдэг найтаахыг хичээх хэрэгтэй. Манайхны хэлдэг нусны алчуур, гарын цаас байнга авч явууштай. · Хүмүүс рүү хуруугаараа чичиж зааж болохгүй. Хэрэв заах хэрэг гарвал заавал алгаа дэлгэж гараараа хүндэтгэн заана. · Япончууд бэлэг солилцох нарийн ёс журамтай улс. Хэрэв та хэн нэгний гэрт уригдсан бол заавал бэлэгтэй очоорой. Мэдээж нутгаасаа авчирсан юм байвал дээр байх, тийм юмгүй бол дэлгүүрээс ойр зуурын бялуу, жигнэмэг, боов, вино авч очиж болно. Харин боодолд нь анхаараарай. Том дэлгүүрүүдэд бэлгэнд зориулж боож өгнө үү гэвэл янзтай сайхан боогоод л өгнө. Мөн юмыг яаж мэдэх вэ нөөц бэлэгтэй явсан нь дээр. · Хэрэв та өөрөө хүнээс бэлэг авбал маш их баярлаж байгаагаа хамт зургаа авахуулах ч юм уу, ямар нэгэн байдлаар заавал илэрхийлэх хэрэгтэй. |
· Японы хэв ёс: Та гудамж, нийтийн тээврийн хэрэгсэлд явж байхдаа юм, идэж ууж болохгүй. Гудамж, талбай маш цэвэрхэн. Хэн ч хог хаяхгүй, өөрийнхөө тарьсан хогийг өөрөө авч явж хогийн саванд хийнэ. “Хүн бүр бага балчираасаа туйлын” цэвэрч болж хүмүүжжээ. · Япон бол маш тайван орон, хулгайд юмаа алдах, дээрэмдүүлэх вий гэж санаа зоволтгүй. Гэхдээ болгоомж юунд илүүдэх билээ. · Япончууд зочноо голдуу ресторанд дайлдаг. Ажил төрлийн болоод гэр бүлээрээ мэдэх зочид бол хаа нэг гэр орондоо урина, бусад тохиолдолд гадуур хооллоно. · Айлд болон зарим албан газар зочилбол tatami дээр гишгэхийн өмнө гутлаа заавал тайлах учиртай тул та цоорхой оймс, трико өмсөх вий. Зарим япон ресторанууд ч татамитай байдаг. · Зундаа их чийгтэй халуун учраас богино ханцуйтай цамц өмсөж, биедээ ус байнга авч явах хэрэгтэй. Мөн нойтон алчуур болон дэвүүр авч явбал хэрэг болно шүү. |
