ИРЖ ЯВАА ЦАГ РУУ: November 2010

11/18/2010

ОЛОН УЛСЫН ӨДРҮҮД

ТОКИО ГАДААД СУДЛАЛЫН ИХ СУРГУУЛИЙН ӨДРҮҮД ЭХЛЭЛЭЭ

Photo by J.Bat-Ireedui

Монгол хэлний 1 дүгээр анги 15 оюутантай

Архи ууж болно, гэхдээ

Энд герман пиво хямдхан байна шүү

Лаос хоол бас халуун юм аа

Япон хоол сурталчилагчид

Итали хоол амттай байна аа

Франц бялуу сайхан байна

Испани хоолны газар

Вьетнам шар айраг

Лууны махтай хоол аваарай

Япон хоолны цэс

Индонези хоол идээрэй

Самба хауз-д 18-аас доош настай хүн орж болохгүй.

Өнөөдөр сайхан өдөр байна шүү.

Өнөөдөр манай сургууль дээр олон улсын хэл соёл сурталчлах өдрүүд эхлэж байгаатай холбогдуулан сургуулийн нэгдүгээр давхарт манай сургуулийнханд Японы цэцэг амьдруулах урлагийн бүтээлээс толилуулж тавьсан байна. Энд тавьсан бүтээлүүдээс та бүхэнд мөн хүргэе. Икэбана гэдэг бол япон хэлний икэрү буюу хийх, амьдруулах, хана буюу цэцэг гэсэн хоёр үгээс үүтгэж бүтээсэн нийлмэл үг юм байна.

Photo by J.Bat-Ireedui, 2010

ЖЕРО, "ТЭНГИСИЙН ЦАС"

ТЭНГЭСИЙН ЦАС

Тэртээд бүүдийх тэнгэрээс

Тэнгис рүү будрах цасан

Хөөсрөх давалгаанд уусан

Хөвсийх мөргүй алга болно.

Хэчнээн ихээр хайрлаад ч

Хүрч чадахгүй болохоор

Ийм л нэгэн би чинь

Энэхэн биеэ орхих уу?

Чиний орхисон Изумосакид

Гунигт япон тэнгисийн эрэгт

Хайраасаа хагацсан зогсоол дээр

Хацар даган урсах нулимсаа

Хорьж тогтоож чадахгүй нь.

Яг л энэ тэнгисийн цас шиг

Хоёр алгаа дэлгэн цасыг тосвол

Хүйт оргиулан хайлан алга боллоо.

Хүний ертөнцийг орхих

Хувь заяа гэж итгэлээ.

Хэчнээн ихээр хайрлаад

Хүсэл минь биелэхгүй болохоор

Хөөрхий намайг бушуухан

Хороогоод өгөөч.

Орь ганцаараа Изүмосакид

Орой дээр халхлах шүхэр ч үгүй

Норсон үс чөмөг царцаам хайран

Хараалын үгс минь ч

Хүйтэн усны мандалд шингэн алга болно.

Яг л энэ тэнгисийн цас шиг.

Хэчнээн ихээр хайрлаад ч

Хүрч чадахгүй болохоор

Ийм л нэгэн би чинь

Энэхэн биеэ орхих уу даа

Чиний орхисон Изумосакид

Гунигт япон тэнгисийн эрэгт
Хайраасаа хагацсан зогсоол дээр
Хацар даган урсах нулимсаа
Хорьж тогтоож чадахгүй нь
Яг л энэ тэнгисийн цас шиг

За энэ дууны үгийн мөн

http://koyukinoblog.blogspot.com/

-оос ямар нэгэн өөрчлөлтгүйгээр авлаа.

ШИНЖҮКҮГИЙН ҮДЭШ

ҮДШИЙН ШИНЖҮКҮ

2010.11.18, ТОКИО ХОТ

Ойрд залхуураад нэг зураг тавьдаг л өвчтэй болчихлоо би...
Өчигдөр орой ажлаасаа жаахан эрт гарч, Нью-Отани зочид буудалд болох Ерөнхийлөгчийн хүлээн авалтад очихоос өмнө Шинжүкү хавиар жаахан тойрч хэдэн зураг дарлаа. Ерөнхийдөө шинэ жилийн уур амьсгал орчихжээ..

Шинжүкү бол дэлхийн хоёрдугаар дайны дараахан Токиогийн хамгийн том задгай хар зах байсан газар бөгөөд 1960-аад оноос Токиогийн тэнгэр баганадсан өндөр барилгуудыг энд барьж эхлэжээ.

Шинжүкү дүүрэгт Токио хотын засаг захиргаа 1991 онд Юракүчогоос нүүж ирсэн гэдэг. Шинжүкү бол дэлхийн хамгийн хөл хөдөлгөөнтэй буудалд тооцогддог. Өдөрт 3.5 сая хүн энэ буудалд бууж суудаг гэхээр аргагүй еэ. За ингээд олон долоон юм чалчилгүй зургаа тавия.